Tekehī nekeneke, ratonga hautū waka

Ko tā ngā tekehī hauā he hari tāngata tūru wira, tūru wira hiko, kutarere hauā rānei. Ko te ratonga hoa hautū waka ka whakaratohia he waka me tētahi kaihautū waka e āhei koe ki te hāereere haere.

Ka taea e koe ngā tīkiti Hauā Pū te whakamahi ki ngā tekehī hauā ki ngā ratonga hoa hautū waka rānei mēnā nō te kaupapa Hauā Pū.

He tekehī mō te hunga tūru wira, hunga kutarere hauā rānei

He kupu āwhina hei tono tekehī hauāi

Tōna tikanga me wawe te tono tekehī hauā. Ko tā mātou kupu kia pātaihia ēnei pātai ki te kamupene tekehī:

  • Mēnā rātou e whakaae ana ki ngā tīkiti Hauā Pū (ētahi atu tīkiti tekehī rānei) mēnā kei a koe.
  • Mēnā kei a rātou he pahi iti huti tūru wira, he papa rōnaki rānei, ina hiahiatia ana.
  • Mēnā ka taea tō tūru wira, tō kutarere hauā rānei te whakauru.

Rapua a Firstport mō ngā raonga tekehī hauā

Ngā utu heke mō ngā tekehī mō te hunga hauā

Ngā ratonga hoa hautū waka hei āwhina i a koe

Ko te ratonga hoa hautū waka he ratonga mō te takitahi e taea ai te rīhi e koe.

Ka hāngai te utu ki ngā haora ka pau i te hoa hautū:

  • hei hautū i te motokā
  • hei hoa haere mōu
  • hei tātari ki a koe, ina hiahiatia ana. 

Hei tauira: He haerenga tāu ki tētahi whakaritenga ki te hōhipera. Ka taea e te hoa hautū waka:

  • te tiki i a koe i te kāinga
  • te hari i a koe ki te hōhipera
  • te āwhina i a koe ki te whare tūroro tūwaewae
  • te tātari ki a koe, te tiki atu rānei ā muri
  • te whakahoki i a koe ki te kāinga – mā te kēmehi ina hiahiatia he rongoā.

Tēnā pea e hiahia nōu kia puta i te kāinga hei hoko aihikirīmi, hei haere noa!

He kupu āwhina hei tono hoa hautū waka

  • me pātai atu mō tētahi whakatau utu mō te haere me ngā huarahi whakautu.
  • Pātai atu ina whakaae rānei rātou ki ngā tīkiti Hauā Pū, mēnā kei a koe.
  • Pātai atu ina taea te hari i tō whakahīkoi, tō tūru wira, mēnā ka whakamahia tētahi.
  • Ki te kore e kōrero mai te ratonga mō te raihana me pātai atu mēnā he tohu whakamana hei hari pāhihi (P) i tana raihana.

Rapua a Firstport

Rapua a Firstport mō te ratonga hoa hautū waka